Shkruaj perberesin ...

Tuesday, May 31, 2011

Kunguj te mbushur

Siç jua kisha premtuar ne kete post, te disa javeve me pare, sot po ju jap receten e kungujve te mbushur te mikes sime Manueles...


Kunguj te mbushur
Perberesit per 4 persona:
2 kunguj
200 gr djathe i bardhe
1-2 luge kos
3 thelba hudher
1 filxhan vaj per skuqjen
ereza sipas deshires
spec djegez
2 luge uthull balsamike


Pergtitja:
presim kungujt ne feta dhe i skuqim ne vaj. Shkermoqim djathin. I shtojme kosin dhe e shtypim me pirun derisa te perftojme nje krem. Lyejme kungujt me krem dhe i rrotullojme. I vendosim ne nje ene dhe i sperkatim me spec djeges, hudher te grire dhe ereza te fresketa. Ne fund i sperkatim me nje dressing me vaj ulliri dhe uthull balsamike. Me pas e vendosim enen ne frigorifer per 1-2 dite.
Ne vend te kungujve mund te perdoren edhe patellxhana.

P.S.: ajo qe tregohet ne foto eshte receta e mikes sime por me pak ndryshime. Erezat (koper, majdanoz, hudher gjarpri te fresketa) dhe hudhren ia shtova qe ne fillim kremit te djathit dhe ne vend te uthulles balsamike perdora uthull vere.  

P.P.S.: Danke Manù












Monday, May 30, 2011

Rizoto, Maestro!

Siç i ndodh çdo qenie njerezore ne rruzullin tokesor, edhe Ballakumes ka dite qe, papritur e pandehur, t'i ngulitet ne mendje nje kenge apo melodi dhe e perserit pareshtur nga mengjesi deri ne mbremje. Here behet impuls nje ngjyre, si psh nje dite veshi nje bluze te kuqe dhe e kaloi tere diten duke kenduar "Tumankuqe", here te tjera infektohet nga kenget qe hana15she kerkon te degjoje ne makine si "Hou çike" e West Side Family apo "Trokas" e Produkt28. 
Ndonjehere keto lajtmotive, qe perseriten papushim si nje disk i prishur, behen acaruese sidomos kur lajtmotivi eshte ndonje "trash" komercial nga Shakira apo Lady Gaga por  ka edhe melodi si "I will survive" qe shpeshhere te ndihmojne ne permiresimin e humorit e ne fillimin mbare te dites.
Lajtmotivi i sotem i Ballakumes eshte nje nga  ariet-simbol te Rigolettos...


La donna è mobile
Qual piuma al vento,
Muta d'accento - e di pensiero..
Nuk di t'ju them me siguri nese iu kujtua nga velinat, letterinat, gf-inat e tv italiane, qe ta çojne konsideraten per seksin femer tek sholla e kepuces, apo ndonje lajm mbi gjyqet e atij plakut qejfli, dmth kryeministrit Berluskoni (qe personazhit te Verdit, Dukes se Mantoves, s'i ka lene gje), por sot ky lajtmotiv i eshte bere si stalker. E ndjek kur eshte duke ecur/shkruar/ngrene madje edhe kur lexon...por perpara se ta heqi qafe Ballakumja vendosi ta gatuaje....

(Kjo recete i eshte dedikuar Maestros nga nje chef francez, Henry Paul Pellaprat.)

Rizoto Giuseppe Verdi



Perberesit per 4 persona:
320 gr oriz per rizoto
gjysem qepe
80 gr kerpudha
80 gr bishta shpargulli
60 gr gjalp
80 gr proshute
80 gr domate
5 dl shtalpe ose pana kuzhine
1 l. leng mishi
80 gr djathe parmigiano reggiano

Pergatitja:
pastrojme qepen dhe e grijme imet.
Pastrojme gjithashtu edhe kerpudhat me nje pecete te njome. Eliminojme kercellin, i qerojme dhe i presim ne feta.
Te njejten gje bejme me shpargujt. Elimojme kercellin dhe bishtave u japim nje vale ne uje te kripur per 5 minuta.
Presim ne shirita proshuten dhe ne kubike domatet.
Shkrijme gjysmen e gjalpit ne nje tigan dhe i shtojme qepen e grire. I kaurdisim  dhe sapo te jete zbutur qepa, i shtojme orizin dhe e kaurdisim per 1 minute. 
Me pas i shtojme kerpudhat, proshuten, shpargujt dhe domatet. I hedhim nje ose dy garuzhde leng mishi fillimisht dhe sapo te shohim qe orizi e ka thithur i shtojme perseri leng mishi. Ne mes te kohes se gatimit te orizit i shtojme shtalpen dhe e kaurdisim.
Kur rizoto te kete perfunduar gatimin e heqim nga zjarri dhe i shtojme gjalpin e mbetur dhe djathin parmigiano reggiano. E kaurdisim dhe e servirim menjehere.
Gjak e dhjame :D










Thursday, May 26, 2011

Banane Zanzibari





Perberesit per 4 persona:

4 banane
1 lime (varietet limoni jeshil)
80 gr. sheqer
50 gr gjalp
2 luge xhinxher pluhur
1 gote pije rum

Pergatitja:
fillimisht ngrohim furren ne temperaturen 220°C. Qerojme bananet dhe i presim pergjysem nga gjatesia. I vendosim ne nje tepsi te lyer me gjalp dhe i sperkatim me leng lime.
Perziejme sheqerin me xhinxherin dhe ia hedhim bananeve pastaj i sperkatim me copa gjalpi.
I pjekim bananet per rreth 15 minuta.
Sapo tepsia te dale nga furra e sperkatim me rum dhe i veme flaken (procedure qe kerkon kujdes!) ose ne te kundert i sperkatim bananet me rum para se ti vendosim ne furre.
I sherbejme me akullore pana dhe me agrume te sheqerosura.

Gjak e dhjame :D

Wednesday, May 25, 2011

Spageti me kunguj dhe gjize

Perberesit per 4 persona:

400 gr spageti
4 kunguj
1 thelb hudher
gjize
vaj ulliri extravergine i nje cilesie shume te mire
borzilok

Pergatitja:
pastrojme kungujt por nuk i qerojme pasi lekura perveçse permbledh tulin ka edhe nje shije fantastike qe del me teper ne pah kur kungulli fergohet.
Veme spagetit ne uje te vluar me kripe dhe ndersa ato ziejne ne nje tigan me vaj ulliri dhe hudher te shtypur skuqim kungujt e prere ne rrathe. Kullojme spagetit dhe i hedhim ne nje pjatance. I shtojme kungujt e ferguar, i kaurdisim dhe i sperkatim me gjize. E dekorojme pjatenzen me borzilok te fresket dhe e servirim menjehere.
Gjak e dhjame :D

Tuesday, May 24, 2011

Torte me komposto dardhe


Pas embelsires me komposto pjeshke nuk mund te mos postoja ketu edhe ate me komposto dardhe. Madje, per te qene e sinqerte, qe pikerisht kjo torte me mousse dardhe qe hapi nje kapitull te ri ne permbledhesin tim te recetave.  Qekur e realizova per here te pare u dashurova me te sepse kjo torte eshte e veçante, eshte si ato zonjat elitare plot elegance e hijeshi. Provojeni dhe do te me jipni te drejte! :) 




Perberesit per nje torte te permasave te fotos: 
pandispanja
250 gr djathe marscarpone
2 veze
150 gr sheqer
komposto dardhe
liker dardhe
3 flete xhelatine per embelsira (colla di pesce italisht)
Pergatitja:
fillimisht pergatisim pandispanjen sipas recetes qe mund ta gjeni ketu.
Ndersa pandispanja ftohet pergatisim  nje mousse dardhe. Rrahim te verdhat e vezeve me sheqerin. I shtojme djathin mascarpone dhe nje dardhe kompostoje te cilen me pare e kalojme ne mikser derisa te reduktohet ne pure. I perziejme me tel kuzhine ose rrahes elektrik.
Veç rrahim te bardhat e vezeve me pak sheqer derisa te perftojme nje shkume, te cilen ia shtojme perberjes me mascarpone.
Ne nje gote me uje te ftohte zbusim fletet e xhelatines. Me pas i shtrydhim dhe i vendosim nje tenxhere te vogel te cilen e kemi vene ne zjarr te ulet, me nje ose dy luge uje, qe te shperbehen. Xhelatinat e shperbera ia hedhim mousse-t te dardhes dhe e perziejme me kujdes me luge druri ne menyre qe kremi te mos bjere.
Formen e tortes ne te cilen kemi pjekur pandispanjen e perdorim edhe per shtrimin ne menyre qe mousse i dardhes te mos kulloje. Shtrojme ne fillim nje gjysem pandispanje dhe e lagim me nje leng te perftuar nga lengu i kompostos se dardhes i perzier me pak liker dardhe. Shtrojme me pas nje shtrese me gjysmen e mousse dardhe, perseri pandipanja dhe e perfundojme shtrimin me mousse dardhe. Rradhisim sipas deshires mbi torte feta dardhe dhe e veme ne frigorifer per 1 ore. Nderkohe pergatisim nje xhel per te lyer siperfaqen e tortes me sheqer dhe xhelatine. Pasi ta kemi lyer e rivendosim ne frigorifer qe te mpikset dhe me pas e sherbejme me champagne ne raste festash ose me vere moskat. 
Gjak e dhjame :D

Pandispanja

Pandispanja x tepsi me diameter 24 cm

6 veze
80 gr niseshte
80 gr miell
250 gr sheqer
gjalp dhe miell per te lyer tepsine



Pergatitja:
Pikesepari vezet duhet te kene temperaturen e ambjentit prandaj nxirrini nga frigoriferi te pakten 4 ore perpara!
Ne nje tas rrahim te verdhat e vezeve me sheqerin derisa masa te zbardhet dhe te dendesohet, pra per 15-20 min. me rrahes elektrik. Ne nje tas tjeter rrahim te bardhat e vezeve derisa te formojne shkume, te cilen me pas ia shtojme perberjes se mesiperme. Ne kete pike te procedures duhet patur shume kujdes qe masa te mos bjere prandaj leme menjane rrahesin elektrik dhe vazhdojme me nje luge druri. Levizja qe duhet te bejme me lugen eshte ne forme rrethore dhe shume e ngadalte. Gjate perzierjes shtojme niseshtene dhe miellin, mundesisht direkt nga sitesja ne menyre qe mos formohen toptha mielli brenda mases. Ndezim furren ne temp. 180°C. Hedhim masen ne nje tepsi te lyer me gjalp dhe me miell dhe e vendosim ne furre per rreth 40 min. Gjate 30 min. te para nuk duhet kurresesi te hapim furren sepse rrezikojme qe pandispanja te bjere. Pasi kalon koha e pjekjes nuk e nxjerrim menjehere jashte tepsine por e leme akoma edhe 10 min. te tjera brenda, ne furre te fikur.

Monday, May 23, 2011

Biskota me muesli dhe çokollate


Perberesit per rreth 20 biskota: 
300 gr miell 00
300 gr muesli me fruta dhe mjalte
150 gr sheqer
150 gr gjalp ne temperature ambjenti
 2 kokrra veze
1/2 pako sode buke
150 gr çokollate  (une i vura 50 gr çokollate te zeze + 100 gr çokollate te bardhe)

Pergatitja:
shkermoqim mueslit ne nje tas dhe i perziejme me miellin, soden e bukes dhe sheqerin. Shkrijme ne banjomaria çokollaten dhe sapo te jete ftohur pak e hedhim ne tasin ku kemi perberesit e tjere. Hedhim gjithashtu edhe gjalpin e vezet. E punojme brumin per afro 10 minuta dhe me pas e mbeshtjellim me qese kuzhine dhe e vendosim ne frigorifer per gati 1 ore. 
Nderkohe shtrojme me leter pjekjeje nje tepsi dhe nxehim furren ne temperaturen 180°C.
Per te formuar biskotat nuk perdora as holluesin e peteve dhe as formen e biskova por me duar formova disa gogla te cilat me pas i shtypa duke i dhene formen si ne foto.
E vendosim tepsine ne furre ne temperaturen 180°C per 10-15 minuta. Pasi ka mbaruar koha e pjekjes i nxjerrim nga furra dhe i leme te ftohen.
Sugjeroj t'i sherbeni per mengjes te shoqeruara me nje gote qumesht pasi keto bistoka, duke pasur ne perberje te tyre fibra, mjalte, yndyrna dhe fruta i japin trupit energjine e nevojshme per te perballuar diten. 

Sunday, May 22, 2011

Kofsha pule me shafran

Perdorimi i shafranit eshte shume i perhapur ne industrine tekstile, kosmetike, farmaceutike dhe ne kuzhine. Ne Itali kultivohet ne zonen e Abruzzos dhe ne Sardegna. Eshte nje bime qe kushton shume ne treg aq sa te konsiderohet si flori. Kostoja ne Itali shkon nga 7.000 deri ne 20.000 €/kg por ne disa vende te botes kostoja e nje 1 kg shafran eshte 30.000 €. Ne Itali perdoret ne artin kulinar sidomos keto vitet e fundit qe eshte ne mode kuzhina ekzotike dhe e elaboruar. 
Receta qe po ju jap sot eshte nje variant i imi i recetes me pule dhe shafran qe, mesa mbaj mend eshte me prejardhje nga zona e Abruzzos, por shume me e lehte pasi kam eliminuar shtalpen.

Kofsha pule me shafran
Perberesit per 4 persona:
6-8 kofsha pule
nje gote vere e bardhe
0,1 gr shafran 
vaj ulliri extravergine
dege trumze
hudhra

 

Pergatitja:
pastrojme kofshat e pules dhe djegim mbejtjet e puplave nese eshte e nevojshme. Me pas i kriposim dhe nen lekure u vendosim thelba hudhre dhe degeza trumze. I rendisim ne tave dhe i sperkatim me vere te bardhe, pak uje ku kemi tretur shafranin dhe vaj ulliri. I mbulojme me leter alumini dhe i vendosim ne furre te piqen. 
I sherbejme me patate te pjekura ne vaj ulliri dhe ne vere te bardhe.
 Gjak e dhjame :D


Saturday, May 21, 2011

Gazpaç


Perberesit per nje person: 
10 kokrra domate te vogla te kuqe
1 gjethe borzilok
2 mente
1 thelb hudher 
nje maje luge sheqer
1 spec djeges
raki
nje maje luge miell
vaj ulliri extravergine
1 fete buke




Pergatitja: 
u bejme nje kryq domateve dhe i veme te marrin nje vale ne uje te kripur. Me pas i kalojme ne kullesen qe i redukton ne salce dhe lengun qe perftojme e rivendosim ne zjarr bashke me borzilokun, menten, nje luge raki, hudhren e shtypur, nje spec djeges dhe pak kripe e sheqer. E leme tenxheren 10 minuta ne zjarr mesatar dhe me pas e kullojme perseri me kullese ne menyre qe te eliminojme hudhren dhe erezat. Tresim ne pak uje nje maje luge miell dhe ia shtojme domateve. I kaurdisim me tel kuzhine ne menyre qe te mos formohen toptha. E leme tenxheren ne zjarr te ulet akoma edhe 10 minuta dhe nderkohe nxehim pak vaj ulliri ne nje tigan. Presim buken ne kubike te vegjel dhe e skuqim ne vaj. 
E servirim lengun e domates me kubiket e bukes se skuqur. 
Per ta kompletuar antipasten bera:
qofte alla shqiptarçe, 
skuqa ne nje tigan antiaderent feta domateje dhe hudhre, te cilat me pas i kriposa dhe i sperkata me vaj ulliri extravergine, 
preva djathin philadelfia ne kubike te vegjel dhe e leva me hudher gjapri te prere imet
preva kastravecin ne kubike te vegjel dhe i dhashe shije duke e sperkatur me nje dressing me vaj ulliri, kripe, uthull vere dhe fara kopre.

P.S.: dje lexova receten e supes se gatuar nga Yummania dhe meqe kisha disa domate te kuqe ne frigorifer, qe po ulerinin "MESHIRE", mendova ta gatuaj por, sapo i vura domatet ne uje u kujtova qe s'kisha me pana...prandaj optova per nje gazpacho alla shqiptarçe...Jam shume e kenaqur me rezultatin por edhe supa e Yummanise ishte shume ndjellese.




Strudel meeee......shpargull, sigurisht!!!! :))))



 Perberesit per 6 persona:
300 gr miell 00
1 veze
100 ml shtalpe
1 kg shpargull
200 gr djathe i bute (psh crescenza) ose gjize
150 gr proshute ne feta
50 gr stika pishe
50 gr buke e grire
100 gr djathe grana padano ose kaçkavall i grire
vaj ulliri
qumesht
kripe
piper
arre moskat



Pergatitja:
hedhim miellin ne nje tas dhe i shtojme pak kripe, nje veze, 3 luge vaj ulliri, gjysem gote uje. I punojme me duar derisa te perftojme nje brume te ngjashem me brumin e byrekut. E mbeshtjellim brumin me nje qese dhe e leme te pushoje per rreth 1 ore.
Nderkohe nxehim ne tigan pak vaj ulliri dhe skuqim stikat e pishes dhe buken e grire.
Ne nje tas hedhim djathin e bute, shtalpen, djathin e grire, kripe, piper, arre moskat dhe i perziejme.
I japim nje vale shpargujve ne uje me kripe per rreth 5 minuta. I kullojme dhe i hedhim menjehere ne nje tas me uje me akull. 
Hollojme brumin me okllai derisa te behet nje pete, jo shume e holle, dhe fillojme mbushjen e strudelit. Sperkatim siperfaqen e petes me stikat e pishes dhe buken e grire. Shtrojme me pas fetat e proshutes, i hedhim kremin me shtalpe dhe djathera dhe ne fund radhisim shpargujt. E rrotullojme peten dhe e vendosim ne nje tepsi te lyer me vaj ulliri. Lyejme siperfaqen e strudelit me qumesht dhe e pjekim ne furre te ngrohur paraprakisht, ne temperaturen 200°C per rreth 40-45 minuta. Pasi ta kemi nxjerre nga furra e leme te ftohet dhe me pas e presim ne feta. 

Gjak e dhjame :D  

Friday, May 20, 2011

Embelsire me komposto pjeshke



Perberesit per 4 persona:
100 gr çokollate dark
60 gr shtalpe ose pana per embelsira
50 gr sheqer
20 gr amareta
6 pjeshke kompostoje


Pergatitja:
lyejme me sheqer pjeshket dhe i vendosim ne nje tepsi te mbuluar me leter pjekjeje. I pjekim per 10 minuta ne temperaturen 220°C. Shkrijme ne banjomaria ose ne mirkovale çokollaten. I shtojme pana dhe amaretat e grira. Shtrojme ne pjate kremin e çokollates dhe me pas pjeshket. Sipas deshires mund t'i shoqerojme me pana te rrahur me sheqer dhe amareta.  
Gjak e dhjame :D

Supe elbi


E kote qe ta fsheh, keto dite po verdallosem neper kuzhine si nje femije i lumtur ne mes te lodrave te preferuara :) Pavaresisht kolles, qe degjohet deri ne qender te qytetit dhe rekomandimeve te mjekut per regjim shtrati, deshira ime per te gatuar keto dite eshte shume me e forte. Shpeshhere keto muajt e fundit me eshte dashur t'i drejtohem supave te gatshme ne supermarkate ose te reduktoj kohen e recetes duke i gatuar ne tenxhere me presion, prandaj ia kisha borxh vetes nje supe te denje per kete emer, pra nje supe me gatim ne zjarr te avashte :)

Supe elbi 
Perberesit per 4 persona:
rreth 100 gr elb
gjysem kg mish viçi tul
gjysem finoku ose nje nqse eshte i vogel
2 karrota
gjysem qepe
2 patate
gjethe dafine
piper
kripe
vaj ulliri

Pergatitja:
skuqim qepen e grire imet ne vaj ulliri bashke me copat e mishit. I shtojme elbin dhe perimet e tjera te prera ne kubike te vegjel, gjethen e dafines dhe e mbushim tenxheren me uje. I leme ne zjarr mesatar derisa elbi te zihet. Me pas e rregullojme me kripe dhe e ndajme neper pjata. Ne pjate e sperkatim me djathe parmigiano reggiano, piper te shtypur ne moment dhe vaj extravergine. E sherbejme te ngohte te shoqeruar me copa buke te thekur. 
Gjak e dhjame :D

Thursday, May 19, 2011

M'ka shku menja per qeshqek...

B.: Alo nane, m'ka shku menja per qeshqek! ....
Gjyshja e B.: e di qysh bahet?!....vihet te njomet gruni ne uje. Pastaj zihet ne zjarr t'ulet. Veç zihet mishi i dashit ose i pules derisa te sqarqet. Mos i hudh krype! Bane fije-fije mishin ene zije me grunin. Para se ta hash hudhi krype ene içik telyn qi e ke tret n'tenxhere. Hudhja perciper sikur t'jete trahana. Hudhi ene djathe te bardhe, jo kaçkavall..... çar te hash!!!  
B.: yyy sa pune paska ky!! Lene fare nane se po i fus nje sallate me elb...hihihi





Sallate me mish dhe elb ne tasa djathi


Perberesit:
rreth 100 gr mish viçi
50 gr elb i zier
gjysem spec i kuq
sallate jeshile
uthull balsamike
kripe
djathe grana padano i grire
ereza: piper dhe spec i kuq

Pergatitja:
fillimisht presim ne copa te vogla mishin e viçit. Rrahim ne nje tas tre luge vaj ulliri me pak spec te kuq dhe ia hedhim mishit. E leme per nje ore te marinoje.
Me pas i skuqim copat e mishit ne nje tigan te nxehte. Presim specin e kuq ne shirita dhe ia shtojme mishit.
Ne nje tas hedhim elbin e zier, sallaten, specin dhe mishin. Pergatisim nje dressing me vaj ulliri, uthull balsamike, kripe, piper dhe ia hedhim sallates.  
Per te formuar tasat e djathit shtrojme mbi tepsi nje leter kuzhine. Formojme disa rrathe me djathin e grire dhe i pjekim ne furre ne temp. 170°C per 10-15 min. Me pas i nxjerrim nga furra i vendosim mbi disa tasa te permbysur, ne menyre qe kur te ftohen te marrin formen e tasit. 
E sherbejme sallaten me elb ne tasat e djathit.
Gjak e dhjame :D

Wednesday, May 18, 2011

Finoke me mocarela dhe veze

Perberesit per 4 persona:
1 kg finoke
200 gr mocarela

4 veze
30 gr gjalp
1 gote shtalpe ose pana kuzhine
djathe i grire parmigiano reggiano ose kaçkavall
kripe
piper




Pergatitja:
i japim nje vale finokeve ne uje me kripe. I kullojme, i thajme dhe me pas i presim ne feta te holla. Ne nje tigan shkrijme gjalpin dhe i shtojme finoket qe te skuqen. I kaurdisim dhe i mbulojme me feta mocarele. Me pas i sperkatim me majdanoz te grire. Ne nje tas rrahim vezet me shtalpen, djathin e grire, kripen dhe piperin dhe e hedhim kete perberje mbi finoket. I vendosim ne furre te piqen ne temperaturen 160°C dhe sapo siperfaqja te marre ngjyre i nxjerrim dhe i sherbejme menjehere.
 Gjak e dhjame :D

Iriqi prej pureje

Perberesit: 
1 porcion purè patatesh
1 wuerstel
50 gr djathe emmenthal
1 veze
50 gr djathe parmigiano reggiano i grire ose kaçkavall
gjalp
qumesht
arre moskat
kripe
bajame te grira ne feta

Pergatitja:
fillimisht pergatisim purene e patateve sipas tregimeve qe permban kutia por, e bejme me te trashe - zvogelojme masat e ujit dhe qumeshtit - dhe e leme te ftohet. 
Presim ne kubike te vegjel wuerstelin dhe djathin emmenthal dhe ia hedhim purese. I shtojme gjithashtu nje veze, djathe te grire parmigiano reggiano, pak arre moskat dhe kripe. E perziejme me luge.  Lyejme nje tepsi me gjalp dhe me duar te lagura formojme iriqin. Ngulim fetat e bajameve qe te duken si gjemba dhe me dy ullinj te zi ose karafila bejme syte. E pjekim ne furre per 10 minuta ne temperature 180°C dhe para se ta sherbejme e leme te ftohet. 
Tamam-tamam s'duket shume si iriq por sime bije i pelqeu shume :)

Torta me arra, molle dhe karrota

Perberesit per 4-6 veta: 
75 gr gjalp ne temperaturen e ambjentit
100 gr sheqer  nga ai qe ne italisht quhet "zucchero di canna"
nje çerek gote qumesht
50 gr karrota
25 gr molle
2 veze 
100 gr miell 
25 gr sode buke 
50 gr arra te grira
kanelle
shtalpe ose pana per embelsira



Pergatitja: 
fillimisht grijme me rende karrotat dhe mollen. Ne nje tas rrahim me rrahes elektrik gjalpin me sheqerin, miellin, soden e bukes, vezet dhe qumeshtin derisa te perftojme nje mase homogjene. Kesaj mase i shtojme karrotat, mollet dhe arrat e grira. 

Lyejme nje forme torte me gjalp dhe miell dhe hedhim ne te perberjen e mesiperme. E pjekim ne furre ne temperaturen 180°C per 40 minuta. Pasi te kete kaluar kjo kohe e nxjerrim nga furra dhe e leme te ftohet. Me pas e permbysim ne pjatance dhe e dekorojme me shtalpe te rrahur me sheqer dhe arra te qeruara. E sperkatim me kanelle dhe e sherbejme. 
Gjak e dhjame :D

Tuesday, May 17, 2011

Torta ime me molle dhe karrota

Meqe kjo eshte stina e shetitjeve ne ajer te paster po ju jap receten e nje torte shume te lehte, shume te shendetshme, pasi permban vetem 20 gr gjalp, dhe lehtesisht te transferueshme kur kemi vendosur te organizojme nje piknik. Per realizimin e saj u mbeshteta tek receta e Apfeltorte (torta me molle, tipike gjermane) dhe i shtova/hoqa ca perberes.


Perberesit per nje torte me diameter 26 cm:
3 veze
250 miell qe permban sode buke
1 kavanoz kos vanilje
4 molle
4 karrota
25o gr sheqer
nje grusht bajame te grira
2 luge te vogla pluhur pjekes
pak leng limoni
20 gr gjalp

Pergatitja:
grijme me rende karrotat dhe 2 molle, ndersa 2 mollet e tjera i presim ne feta dhe i sperkatim me pak leng limoni. Ne nje tas fillojme e rrahim me rrahes elektrik vezet me sheqerin, me pas i shtojme kosin, mollet dhe karrotat e grira, bajamet e grira dhe ne fund miellin e pluhurin pjekes. Lyejme me gjalp dhe miell nje tepsi me diameter 26 cm dhe hedhim ne te perberjen e tortes. Rendisim sipas deshires fetat e molleve, i sperkatim me sheqer kokerrmadh dhe disa copa gjalpi. E ndezim furren ne temperaturen 180°C dhe e veme tepsine te piqet per 1 ore. Para se ta sherbejme e sperkatim me sheqer pluhur.
Gjak e dhjame :D

Sunday, May 15, 2011

Sallate makaronash me djathe Brie

Djathi Brie eshte nje nga djatherat me te famshem franceze me prejardhje nga krahina qe mban po te njejtin emer, Brie. Karakteristike e tij eshte korja qe perftohet nga nje trajtim me myshqe te veçanta. Gjithashtu nje tjeter e veçante  e tij eshte pergatitja me qumesht lope te ftohte, dmth temperatura maksimale e qumeshtit s'kalon 37°C.
Mua me shijon mbi buke te thekur, me pak vaj ulliri extravergine dhe i sperkatur me piper te zi :) por para disa vitesh provova ta gatuaj si ne receten e meposhtme dhe shija ishte fantastike.

Perberesit per 4 persona:
400 gr makarona fusilli
2 speca te kuq
100 gr djathe Brie
1 luge majdanoz i grire
kripe
piper
hudher
vaj ulliri

Pergatitja:
E presim specin, e lare dhe te qeruar nga farat, ne shirita te holle dhe e skuqim ne nje tigan me vaj ulliri, ku kemi vendosur nje thelb hudher qe te leshoje arome. I hedhim kripe dhe majdanoz. E shuajme me pak uje dhe e leme ne zjarr me kapak te mbyllur per rreth 10 min.. Nderkohe ziejme ne uje me kripe makaronat. I kullojme dhe i vendosim ne nje tas sallate. Pasi kemi hequr hudhren nga tigani, peperosim specin dhe ia hedhim makaronave. I perziejme mire e mire dhe i leme te ftohen. Presim djathin Brie ne kubike te vegjel dhe ia shtojme sallates se makaronave, kur kjo e fundit te jete ftohur pak. Serviret e vaket ose e ftohte.  


Wednesday, May 11, 2011

Ushqimi im i preferuar...per momentin!

Cili eshte ushqimi yt i preferuar? Hmm...kesaj pyetje nuk di t'i pergjigjem, pasi nuk kam nje ushqim te preferuar  ne absolut. Preferenca ndryshon ne baze te gjendjes shpirterore, stines, kujtimeve, frymezimeve qe me lindin prej librave kulinare ose jo, plotesise se henes, shiut apo dietave donkishotiane :) Pra, ka dite qe "vdes" per mousse çokollate, biles ka edhe nete ku enderroj sikur jam duke ngrene nje mousse çokollate me reçel lekurash portokalli te gatuar nga nje Alessandro Borghese-gjysemnudo, por ka edhe dite qe "vdes" per sallate jeshile dhe "kullos" nga mengjesi deri ne darke. 
Ne kete periudhe, ndoshta per shkak te artikujve te shumte qe kam lexuar kohet e fundit mbi vetite e shpargullit apo ndoshta se ne keto muaj, mars-prill-maj,  eshte i fresket dhe rrjedhimisht kushton shume me pak, ushqimi im i preferuar eshte shpargulli. 
Receta e meposhtme lindi aksidentalisht, pasi ajo qe doja te realizoja ishte salca bolzanine por, per mungese te disa prej perbereseve kryesore, m'u desh te shpikja kete lloj salce se ciles i vura emrin salce kastraveci. 


Shparguj me salce kastraveci

Perberesit per 1 person:
gjysem tufe shparguj, rreth 250 gr
100 gr majonez
1 ose disa kastravece turshi
1 limon
koper
vaj ulliri extravergine
kripe
piper
1 veze
salce piperi te zi (fakoltative)


Pergtitja:
i japim nje vale shpargujve per rreth 15 minuta. Presim pjesen e forte te kercellit, i qerojme dhe i leme te kullojne.
Ziejme nje kokerr veze dhe pasi ta kemi qeruar e leme menjane.
Ne nje tas perziejme majonezen me kastravecin e grire imet, lengun e limonit, kripen, piperin, vajin e ullirit, kopren dhe nese deshironi pak salce piperi te zi (franceze). E shtrojme kremin e mesiperm ne nje pjate dhe vendosim mbi te shpargujt. E dekorojme me vezen e zier dhe e servirim menjehere.
Gjak e dhjame :D


Monday, May 9, 2011

Rroga qepe e qepa me beshamel

Lloje te ndryshme rrogash:
1) rroga qepe: e hap, e sheh dhe ze e qan;
2) rroga ndyresire: nuk te ndihmon, te ben te vuash por, nuk mund te jetosh pa te;
3) rroga dietike: te detyron te hash çdo here me pak;
4) rroga ateiste: ke dyshime mbi ekzistencen e saj;
5) rroga magjike: nese leviz ajo zhduket;
6) rroga stuhi: nuk e ke idene se kur vjen dhe per me teper sa zgjat;
7) rroga impotente: te le vetem kur ke nevoje per te..
8) rroga mestruacione: vjen nje here ne muaj dhe zgjat 3 deri ne 4 dite.
9) rroga humor i zi: qesh per te mos qare;

Duke ju uruar nje jave te mbare dhe rroga qe s'perfshihen ne listen e mesiperme ju sugjeroj nje recete per te lepire gishtat :) 


Qepe te njoma me beshamel

Perberesit per 4 persona:
2 tufa qepe te njoma
salce beshamel
kripe
1 luge mostarde
buke e grire
gjalp

Pergatitja:
fillimisht pastrojme qepet e njoma. Eliminojme pjesen e gjelber te tyre dhe pjesen e bardhe e veme ne nje tenxhere me uje dhe kripe te marri nje vale per 10 minuta. Me pas i kullojme dhe i veme ne nje tave te lyer me gjalp.
Pergatisim nje salce beshamel sipas recetes qe mund ta gjeni ketu. Beshameles i shtojme nje luge mustarde dhe me pas e hedhim mbi qepet. E sperkatim siperfaqen e taves me buke te grire dhe gjalp dhe e pjekim ne furre ne temperaturen 170°C per reth 20 minuta. 
Gjak e dhjame :D  

Saturday, May 7, 2011

Cheesecake te thjeshta fare

Perberesit:
15 biskota wafers me shije vanilje
500 gr djathe kremoz (psh. philadelfia ose gjize pa kripe)
1 veze
pak kripe
100 gr sheqer kokerrmadh
vanilje
leng limoni
rreth 20 luleshtrydhe
3 luge reçel luleshtrydhesh
sheqer pluhur


Pergatitja:
mbulojme nje tepsi me leter kuzhine dhe shtrojme mbi te biskotat wafers. Mundohemi qe te mos leme hapesire bosh! Ne nje tas hedhim djathin philadelfia dhe e rrahim me tel kuzhine. I shtojme sheqerin, vaniljen, shume pak kripe (sa te kapin majat e gishtave), lengun e limonit dhe e rrahim me tel derisa kremi te fryhet. Ne nje tas rrahim vezen dhe ia shtojme kremit. 
E shtrojme kremin mbi biskota. E nivelojme me shpatullen e kuzhines dhe e pjekim ne furre te ngrohur paraprakisht ne temperaturen 160°C per rreth 25 minuta. 
E nxjerrim nga furra dhe e leme te ftohet.  Me pas e vendosim tepsine ne frigorifer per rreth 6 ore. Pasi ka kaluar kjo kohe e nxjerrim cheescake nga tepsia me shume kujdes dhe e presim ne katrore te vegjel. I dekorojme me luleshtrydhe, reçel luleshtrydhesh dhe sheqer pluhur.
I servirim te ftohta.
Gjak e dhjame :D





Levreke me shpargull

Perberesit per 2 veta:
2 levreke
gjysem tufe shpargull
4 - 5 karrota
1/2 qepe
dege selino
nje gote vere e bardhe
kripe
piper
limon sipas deshires.

Pergatitja:
pastrojme peshqit. I kriposim, i peperosim dhe i leme menjane. I japim nje vale shpargujve dhe i kullojme. Presim karrotat, deget e selinos dhe qepen ne rrathe te medhenj. Gjithashtu te njejten gje bejme edhe me shpargujt. I kriposim perimet, i hedhim pak piper dhe mbushim me to peshqit. I sperkatim me nje gote vere te bardhe dhe vaj ulliri extravergine dhe i pjekim ne furre ne temperaturen 200°c per rreth 20-30 minuta. 
I servirim me leng limoni.
Gjak e dhjame :D


Related Posts Plugin for WordPress, Blogger...